On de street Carnival Monday, Tuesday, Friday, Saturday, Sunday
Everybody taking dey chance to breakaway
Well I am not ah Carnival chile
No Ah cyah wine and get on wile
Cause is only too much slackness
Oh gaw too much rudeness
Too much promiscurity
In front de cheren of society
So dis is ah song and ah ode and ah dedication
Just clear out de way for de little ones
Dis tune for de cheren
Leh dey come to de street and jump in innocence
Yeah dis for de cheren
With ah careful watch by both parents
{Hear de cheren, See de cheren, Let de cheren, Jump Jump Jump}2x Oh Lord!
Carnival is ah time for everybody
Grandma, youth and de pickney
And every artist do ah song for de crowd
So Ah wah all de cheren sing out loud:
"We are de cheren ar de land
And we love we steelpan
We like chutney, soca, calypso
Dhantal, rapso and limbo
We are de future ah de place
We are a Trinbagonian race
We doh like rude bacchanal
But we love we carnival.."
Brass Time- (Brass solo)
Listen to de rhythm ar de cheren play
Observe and see better will come one day
Yuh cannot leave dem to fend fuh demselves
Dey need attention like anyone else
Cheren are a country's main resources
They are de main victims of divorces
If yuh lnow yuh love life eh working
Find a way to stop de cheren from hurting
And de older ones hah enough time to play demselves
So dis carnival leh de cheren free demselves, For
Dis tune for de cheren
Leh dey come to de street and jump in innocence
Yeah dis for de cheren
With ah careful watch by both parents
{Hear de cheren, See de cheren, Let de cheren, Jump Jump Jump}2x Oh Lord!
(Doh beat de cheren (unnessary)
Doh rape de cheren
Doh hit de cheren
Just teach de cheren
Reach for de cheren
Free up de cheren) Repeat 4 times
SPOKEN: "Protect de cheren from de evil hands of mankind
Show dem spirituality and how to party in ah conscious state
Mould dem with de knowledge of God's Love!"
No comments:
Post a Comment