PLEASE NOTE THAT ANY ONE CAN USE THESE SONG LYRICS FREE OF CHARGE. ALL WE ASK IS THAT YOU CREDIT THE BLOG HIS LYRICAL EXPRESSIONS AND POST YOUR DEMO OR FINISH PRODUCT TO THE BLOG OR THE FACEBOOK PAGE
I know de issue dey talking about
Like allyuh wah meh to hush meh mouth
Dis land running by ah set ah damn fools
It look like dey neva went to school
What's wrong wid we constitution?
Do de poor hah any protection?
Are we self governed or still under British rule?
What's Independence if we cyah do what we should do?
Dey doh want to hang dem high
Buh dey make de innocent die and cry
And dem Ly-ars using dey wits
Because dem judges heads full ar Mesh!
No I am not political
Ah jes cyah stand dis atall
While some hole dey head and bawl
Some share drinks with criminal!
Bi bam bam
Bey bam ba dam
Bigidy bam bam
Dey bam ba dam
I neva did like to read de news
Cause all it does is give me de blues
Everyday isa nodda murder
Or some sicko rape somebody daughter
So many police Ah see dey recruiting
Buh dem police eh doing nothing
Imagine dey coming fass wen yuh park in de wrong place
Buh wen yuh geh rob dey come at a slow pace
I am jes ah man dis is my point ar view
Why dey doh find something worthwhile to do
When ah rich boy kill dey say "It was an accident"
It happen to ah poor man dey say "Lock him up permanent"
Thin k about de chiren down in de ghetto
All dey really wah is some food to eat
Buh wen yuh deprive and oppress people
Dey minds geh warp and dey start to cheat
Life doh seem da sweet!
Ba ba, ba ba bap, da da da dai
Dey dey rigidy digy dey dey dey doye!
And some ar dem pastors dey must be crazy
Ain't de Bible say an Eye fuh an Eye
What's dis dey say about amnesty
Well better dey lock me up let de killers fly!
Ah hear dey gehing meals on time
And dey geh to play all kinds ar game
Ah ketching meh neh neh everyday
And Ah cyar even do de same
Dis country jes full ar hyprocrites
Smiling telling de nation things cool
Wen dey liming drinking dey rum
Dey joking bout all we poor fools
Squandering and laundering we taxes
And if dis song here offends you
Den yuh know who Ah talking bout
So what is it yuh going to do?
Bam bam, Yuh bam ba dam
Brainy bam bam, bam da bam
Doogi ddogy woih!
Yuh looking to an answer to ah problem
But yuh doh even know de cause
Too many ignorant people in power
That's why de world hah so many wars
Why so many chiren suffering
Dey did not ask to come to dis world
So wen yuh hot and horny and yuh get down
Be prepared to raise de baby good
Lard and all dis promiscuity/illicit sex
How did we allow dis to become ar culture?
We should not accept someting dat not right
If we eva want to make we place better
We pass de stage of chin, nigga, coolie honky
We onto ah stage where man is jes man
We cannot give in to negative virtues
If yuh wit me yuh mus raise yuh hand
OUI Ba ba da da bap
Pey dep pay dep
Sho go naga nan
Pa dep pa dep
(GUITAR SOLO)
I could go on and on pointing tings out
But am I being of any help
I cannot judge Ah jes Showing Concern
We all got to rise and protect weself
Come together da da
Come together da da
Ba da, da di
Damp da da oui!
No comments:
Post a Comment